Minister woimaliwa atukula omutengenekwafaneko woshimaliwa 2025/2026

Minister wemona, Ericah Shafudah, onghela okwa eta poshitaafula omutengenekwa faneko wopashimaliwa wo 2025/2026 osho sha ningilwa meumbo lomutumba wopashiwana.

Omutengenekwa faneko wopashimaliwa womudo wo 2025/2026 owa kalelapo oshimaliwa shifike pee N.dollars 106.3 billion.

Shafudah pefimbo tayandje olopota yoshimaliwa shomutengenekwafaneko okwati omutengenekwafaneko woneudo owaya  pombada nee 4.9 per cent oku shiyelekanifa nomutengenekwafaneko wadileko oo wali wafikama poshimaliwa shee  N.dollars 100.1.

Ouministry welongo, etungululo, ounghulungu no mifyuululwakalo  oo uli komesho moku mona oshimaliwa shili pombada shafikama pee N.dollars 24.8 billion, omanga oshikondo shelongo, nomayakulo ovanyasha mouministy omo twoo omo, shoo shapewa oshimaliwa shee N.dollars 1.3 billion.

Ouministy wonghalo nawa noudjolowele woo owapewa oshimaliwa shee N.dollars 12.3 billion.

Ouminsity woimaliwa woo owa pewa oshimaliwa shee N.dollars 14.6 billion omo mwa kwatelwa oshimaliwa shee N.dollars 7.2 billion sha fanekwa shika yandje omayakulo oshikuvila shovakulupe oshoyo ovo velimomumbwe.

Ouministy wetanga leameno noipambele yoonakulwa, woo owa pewa oshimaliwa shee N.dollars 7.5 billion, omanga ouministy woikwameni, omatembu, eameno nepopilo wapewa oshimaliwa shee N.dollars 7.9 billion.

Ouminsity womauyelele nomakwatafano opa Technology woo owa pewa oshimaliwa shee   N.dollars 898.5 million, omanga ouminsity weedoropa nomayamulepo okomikunda wamona oshimaliwa shee N.dollars 2.7 billion.

Ombelewa yo Prime Minister yoo oya pewa oshimaliwa shee N.dollars 636 million, loo eumbo lomutumba wopashiwana ola pewa oshimaliwa   N.dollars 398.2 million, no mbelewa yomu President N.dollars 1.5 billion.

Ouminsity woikwapondje noipindi  owa pewa oshimaliwa shee N.dollars 1.2 billion, noshimaliwa aasho sha pewa ouminsity weemina, oikwanghono no mayambulepo wapewa N.dollars 939.5 million.

Oshimaliwa shee N.dollars 797.6 million shoo osha pewa ouminsity womidingonoko, omifitu no matalelepo omanga oshimaliwa shee N.dollars 473.6 million shoo sha pewa ouminsity woufike pamwe nonghalo nawa yoo hembudangele.

The post Minister woimaliwa atukula omutengenekwafaneko woshimaliwa 2025/2026 first appeared on Future Media News.

The post Minister woimaliwa atukula omutengenekwafaneko woshimaliwa 2025/2026 appeared first on Future Media News.