Kaire Mbuende, apupula kombuda ombaanga yoshilongo

Omunambelewa omukulunhu elilepo ocommissi yomafaneko opashiwana, Kaire Mbuende, okwa pupula kombuda ombaanga yoshilongo eshi ya kalekapo nawa eungaungo layo lelongifo lo pashimaliwa osho sha kwatelamo  oimaliwa oyo ya yandjwa kepangelo.

Ombaanga yoshilongo onghela oya yandja eshiivifo  lili ondjokonona yoshimaliwa shifike pee N.dollars 720 million sheya moshikefa,  pefimbo lomudo woshimaliwa wo 2024, oshimaliwa osho sha talika shaya pombada okudja pee N.dollars 511.5 million opo shali shafikama mo 2023.

Mbwende okwati nonande onghalo yeliko mounyuni yakala yataalela omashongo opaliko, okwati  ombaanga yoshilongo oye shipondola moku kalekapo noku litulamo meyokomesho loshimaliwa sho shilongo osho tati oshili pamulandu umwe nomafikilo atulilwapo eyokomesho lopashiwana.

Mbuende pefimbo letulomoilonga lo lopota yomudo wo 2024,  yo mbaanga yoshilongo onghela,  okwa denga omufindo nghene oyuuyemo taika kwafela moikondo ya yooloka yo pashiwana osho sha kwatelamo oshikondo shouhaku, elongo, omayambulepo, ekondjifo loluhepo, eameno loshiwana oshoyo oikondo ikwao ya yooloka oyo yatofwamo ko mupresident woshilongo Netumbo Nandi-Ndaitwah, yanuninwa okweeta elunduluko li liwetikile meenghalamwenyo dova Namibia.

Pefimbo opo twoo opo oo eli ngoloneya wombaanga yoshilongo, Johannes!Gawaxab yee okwe shiyelifa nghene ombaanga yoshilongo ya longa oilonga yomupondo mo 2024,  moinyangadalwa yayo aishe osho sha kwatelamo omafaneko oshoyo eungaungo lo yuuyemo.

Okwati oilonga yafimana oya etwapo metulo moilonga lehapupaleko lomapungulo oshimaliwa shee N.dollars 10 billion omudo keshe ngee tashiya koikondo yafimana osho shakwatelamo oyuuyemo okudja kehangano lo SACU, moikwamina yokawe, oiniwe oyo haidi momapungulo oshoyo oyo hayeetwapo okudja moishoshela yomapungulo.

The post Kaire Mbuende, apupula kombuda ombaanga yoshilongo first appeared on Future Media News.

The post Kaire Mbuende, apupula kombuda ombaanga yoshilongo appeared first on Future Media News.